Cette page n’a pas encore été corrigée
ETTE.|c}}
J’ay encore ung beau ducat,
Qu il aura, s’il y veult entendre.
JENNETTE.
Se je debvoyes bien despendre
Tous les plus beaulx tissus que j’aye,
Il fault que sa science essaye,
Et il nous le fault rappeler.
PERNETTE.
Mais que il y vueille travailler,
Nous luy payerons bien ses peines.
JENNETTE.
Maistre, nous sommes retournées ;
Payer voulons nostre venue.
LE FONDEUR.
.
Vous soyez les très bien venues.
Qui vous amène par deçà ?
Comment ce porte nostte faict ?
PERNETTE.
Très mal, (monseigneur, en effect,)
Nous avons le cueur marrys
D’avoir refondu nos marys.
Le mien m’a jà voulu tuer.
JENNETTE.
Le mien m’a voulu ruer
Ung pot d’estain parmy la teste.
LE FONDEUR.
Dea, c’est commencement de feste.
Quant une femme est à son aise,
Elle est de nature maulvaise
