Lambert. Faisant tant (comme je vous ay dict) que il espouse Lucresse.
Lazare. Cela est aisé.
Lambert. Allez doue cependant entretenir Joachim ; de ma part, je m’en vas chercher mon maistre et Philippes, pour les amener icy.
Lazare. Tu dis bien ; mais le voicy venir.
Joachim. Je suis en fièvre, tant ay peur qu’il ne face quelque tort à mon fdz.
Lazare. Ne vous en souciez point.
Joachim. Et bien ! qu’avez-vous faict avec Lambert ?
Lazare. Il est allé quérir les compagnons ; il sera tout à ceste heure icy.
Joachim. Qui eust jamais pensé qu’en ceste sorte mon filz deust espouser vostre niepce ! Mais je veux que tout se face à la fois.
Lazare. Quoy ?
Joachim. Qu’espousiez Lucresse.
Lazare. Moy ? Dieu m’engard ! ma fantasia en est passée ; je ne me veux plus marier ; mais je vous conseille la bailler à Charles. Joachim. Je le faisois pour vous faire plaisir. Et quoy ! vous eu estiez encor hier tant amoureux !
Lazare. Tant y a que je vous remeicye : elle luy sera plus propre, pour mille bonnes raisons ; ce m’est assez que je sois vostre parent et amy.
