Cette page a été validée par deux contributeurs.
« Jorge, Jorge, bonéurés !
De m’amor es açéurés.
Vien t’en à moi, desoremais
Ne vueil qu’en cest mont sées mais. »
ains Jorge ne vost plus atendre,
Ains comença son cors estendre,
Ses mains joinst sur sa peitréine,
Vers les sergens son chief encline
Que tantost le chief li trencherent,
Conques de rien ne l’sparaignerent.
Li Angle Deu l’arme saisirent,
A grant joie, quant il la virent ;
Lié furent, docement chanterent,
Véant tos, au ciel la porterent :
Grant joie en est et fu jadis
De saint Jorge en Paradis.
a mort saint Jorge aves oïe
Dignement et sa sainte vie ;
Et Des vos doint santé et joie
Et de vos préeres vos oie,
