themes de S. Cyrille, et quelques autres escrits du mesme
auteur, a esté terminée dans le V. Concile general, et que
ces escrits de Theodoret ont esté condamnez comme impies,
et composez contre la vraye foy, avec anatheme contre celuy
qui osera les deffendre : Si quis deffendit impia Theodoreti
conscripta quæ contra reclam fidem et contra primam
Ephesinam Sanctam Synodum et S. Cyrillum et duodecim ejus capitula
exposuit, talis anathema sit (Concil. V. generale. Collat. 8.
can. 13.) : Le P. Sirmond n'a pas laissé de soutenir : Que
Theodoret avoit tousjours esté éloigné de l'heresie Nestorienne
en ce qu'il a mesme escrit contre S. Cyrille, et que sa dispute
avoit esté plustost de contention et de pique, que de doctrine et
de dogme....(Sirmond. In vita Theodoreti) [p. 362].
....Enfin, Monseigneur, il n'y a point d'exemple plus illustre sur ce sujet que celuy du Pape Honoré I. qui vivoit en 630. Il s'émeut de son temps une dispute entre Serge Patriarche de Constantinople et Sophrone alors saint Religieux et depuis Patriarche de Jerusalem ; Serge soustenant qu'il n'y avoit qu'une seule volonté en JESUS-CHRIST, sçavoir la divine, et Sophrone soustenant au contraire selon la foy catholique qu'il y en avoit deux, l'une divine, et l'autre humaine. Et le Pape Honoré s'estant entremis de leur different, il sembla par sa response favoriser Serge, et pour le bien de la paix, il deffendit, qu'on ne parlast point ny d'une, ny de deux volontez en JESUS-CHRIST.
Mais environ 50. ans depuis, le VI. Concile Œcumenique ayant esté assemblé en 681. sous le Pape Agathon et l'Empereur Constantin Pogonat, les deux lettres du Pape Honoré furent leuës en plein Concile, auquel presidoit le Pape Agathon par ses Legats, et ayant esté condamnées comme heretiques, furent brûlées avec les autres escrits des Monothelites. Ce qui a esté encore rapporté et confirmé par le VII. et le VIII. Concile Œcumenique, et par les Papes Leon II. et Adrien II¹ . [p. 368 sq.].
___________________________________________________________
1. Sexta Synod. Actio 10. 12. et 13. Septima Synod. Actio 3. 6. et
