Poésies de Marie de France (Roquefort)/Fable XCVII

Marie de France

Dou Lièvre et dou Cers, f. XCVII

Traduction par B. de Roquefort.
Poésies de Marie de France, Texte établi par B. de Roquefort, Chasseriau, 1820, tome II (p. 385-386).

FABLE XCVII.

Dou Lièvre et dou Cers^[1].

Uns Lièvres vit un Cerf ester^[2],
Ses cornes prist à esgarder,
Mult li senla bele sa teste ;
Plus se tint vix que nule beste,
Quant autresi n’esteit cornuz,
E qu’il esteit si poi créuz.
A la Divesse ala paller^[3],
Si li cumence à demander
Pur-coi ne l’ot si huneré,
E de cornes si aturné10
Cume li Cers k’il ot véu.
La Destinée a respundu :
^[a]Tais toi, fet-ele, lai ester,

Tu nès purreies guverner^[4] ;
Si ferai bien, il li respunt.
Dunt eut cornes el chief à-munt^[5],
Mais nès pooit mie porter,
^[b]Ne ne pooit à tot aler ;
Qar plus aveit q’il ne déust
E qu’à sa grandur n’estéut^[6].20

MORALITÉ.

Par cest essample woel mustrer
^[c]Que li rique hume et li aver
^[d]Vuelent tuz-jurs trop cuveitier,
E si se vuelent eshaucier ;
Tant enprennent par lor ustraige
Que lor honur turne à damaige.

1. Le Grand d’Aussy, Fabliaux in-8^o, tom. IV, p. 195.
2. Reposer, demeurer en place, stare.
3. Les manuscrits donnent pour leçon, la Destinée, la Sapaude ou Spaude.
4. Tu ne pourrois en faire usage.
5. Au-dessus de la tête.
6. Qu’il ne convenoit.

Variantes.

1. Vas fol, dist-ele, lai ester.

2. Car ne savoit du tot aler.

3. Li convoitox.

4. Tant, tot.