Poésies attribués à Charles d’Orléans/Ballade VI
BALLADE.
J’ay tant en moy de desplaisir
Puisqu’il me convient de partir
Helas ! de vous et loing aller !
Et si ne puis à vous parler
(Dont i’auray maint mal à souffrir)
N’est riens qui me peust esjouïr !
Si n’est le tresdoulx souvenir
Que j’ay par vous bien fort amer,
J’ay tant en moy de desplaisir.
Adieu ma joye, mon plaisir,
Adieu mon loyal souvenir ;
Adieu belle dame sans per ;
Adieu dire m’est coup mortel,
Car je m’en vais sans vous véoir,
J’ay tant en moy de desplaisir.