Recueil des lettres missives de Henri IV/1578/12 juin ― À monsieur de Vivans

◄

précédente

Henri IV Lettres missives 1578

suivante

►

1578. — 12 juin.

Cop, – B. R. Fonds Leydet. Mém. mss. sur Geoffroy de Vivans, p. 70.

[À MONS^R DE VIVANS.]

Mons^r de Vivans, J’ay vu celle que m’avez escripte par le s^r de Lussac, ayant esté infiniment ayse de ce que m’a conté comme vostre effect en l’execution de l’entreprise sur Perigueux a bien reussi. Vous verrés le reglement que nous avons faict pour le dit Perigueux, que portent les habitans qui estoient venus icy. Lequel je vous prye faire establir et effectuer de poinct en poinct et mettre ordre le plus diligemment que pourrez à vos affaires en vostre maison, pour retourner incontinent au dict Perigueux, où sans doute vostre presence est bien necessaire, m’advertissant d’heure à aultre de tout ce qui vous surviendra de nouveau. A tant je prieray Dieu, Mons^r de Vivans, vous avoir en sa saincte garde.

A Nerac, ce xij^e juing 1578.

Vostre bien bon et affectionné
[HENRY].