Mozilla.svg

Recueil des lettres missives de Henri IV/1578/23 septembre ― À Forget

La bibliothèque libre.
Sauter à la navigation Sauter à la recherche



1578. — 23 septembre.

Orig. – Arch. de la famille Forget de Fresne. Communication de M. le chevalier Artaud de Montor, membre de l’Académie des inscriptions et belles-lettres, allié de la famille Forget.


À FORGET,

CONSEILER ET SECRETAIRE DES FINANCES DU ROY MON SEIGNEUR.

Forget, Il a pleu au Roy mon seigneur m’accorder que la compagnye de ma nouvelle garde sera entretenue, payée et assignée sur le taillon de Guyenne, en mesme solde, estat et appoinctement durant le temps et terme de six années, sans que la dicte compagnie nouvelle soit comprise soubs ma compagnie de gens d’armes. Et par ce que je m’asseure de vostre bonne volonté envers moy, je vous prie solliciter tous messieurs du conseil d’Estat, à ce que la volonté de Sa Majesté soit effectuée, et faire en sorte qu’il soit commandé au tresorier de l’extraordinaire des guerres, de bailler, par chacun an, bonnes et valables assignations. Ce que m’asseurant que vous ferés soigneusement, je prieray Dieu vous tenir, Forget, en sa saincte et digne garde. De Nerac, ce xxiije de septembre 1578.

Vostre bien bon maistre,
HENRY.