Recueil des lettres missives de Henri IV/1582/11 mai ― À monsieur du Plessis

◄

précédente

Henri IV Lettres missives 1582

suivante

►

1582, — 11 mai. — II^me.

Cop. — B. R. Suppl. franç. Ms. 1009-3.

Imprimé. — Mémoires de messire Philippes de Mornay, seigneur du Plessis Marli, etc. t. I^er, p. 96. Édit. de 1624, in-4^o.

À MONS^R DU PLESSIS.

Mons^r du Plessis, J’ai veu par une lettre que vous avez escripte au s^r de Segur, comme Monsieur desire vous envoyer en Allemaigne pour declarer les droicts et fondemens de son entreprise à la Diete de l’Empire qui se tient solennellement. C’est un voyage digne de vous, et auquel vous aurés moyen de faire paroistre la dexterité de vostre esprit ; et, sy, je m’asseure qu’estant occupé au service de Son Altesse vous ne serés inutile au mien. Faictes le donc, je vous prie, et escrivés moy souvent. Car pour si longues que soyent vos lettres, elles seront tousjours bien receuës de celuy qui prie sur ce le Createur, Mons^r du Plessis, vous tenir en sa garde. De Pau, le xj^e may 1582.

Vostre meilleur maistre et amy,

HENRY.