Copie — Arch. de M. le général comte de Bourbon-Busset. Envoi de M. l’abbé Chambon, curé de Souvigny, correspondant du ministère de l’Instruction publique.
À MONSR DE MORTEMAR[1],
Monsr de Mortemar, J’ay esté fort ayse d’entendre par les lettres de mon cousin de Busset les propos qui se traictent pour le mariage de son fils avec vostre belle-sœur la fille de madame de Tavannes[2], et d’aultant qu’il n’a rien voulu faire dans tel cas sans mon advis et esprés consentement, comme s’estimant honoré de m’appartenir, j’ay bien voulu aussy vous faire cognoistre par la presente, que ceste alliance m’est agreable et sera tousjours tres agreable, principalement estant faicte avec vous, et que je ne desire rien davantage, pour le bien et contentement de son dict fils, que les choses commencées se parachevent, pour vous asseurer que, comme en tout ce qui peut despendre de moy le dict sieur de Busset et sa maison me cognoistra tousjours bon parent et affectionné amy, je continueray ceste affection à tous ceulx qui luy appartiendront, comme particulierement je desire la vous faire paroistre en toutes les occasions qui se presenteront, d’aussy bon cœur que je prie Dieu vous avoir, Monsr de Mortemar, en sa saincte garde. Escript à St Jehan d’Angely, [le] xxe jour de juin 1582.
- ↑ René de Rochechouart, baron de Mortemart et de Montpipeau, seigneur de Tonnai-Charente, de Vivonne, etc. né le 27 décembre 1528, était fils de Francois de Rochechouart, seigneur de Tonnai-Charente et de Renée Taveau, baronne de Mortemart.
- ↑ Françoise de la Baume, fille de Jean de la Baume, comte de Montrevel, et de Françoise de Vienne, était alors veuve du maréchal de Tavannes. Elle avait marié en 1570 Jeanne, l’aînée de ses filles, à M. de Mortemart, ainsi beau-frère de la seconde, Claude de Saulx-Tavannes.