Recueil des lettres missives de Henri IV/1582/5 février ― À monsieur d’Escorbiac

◄

précédente

Henri IV Lettres missives 1582

suivante

►

1582. — 5 février. — I^re.

Orig. — Arch. de M. le baron de Scorbiac, à Montauban. Copie transmise par M. Gustave de Clausade, correspondant du ministère de l’Instruction publique.

À MONS^R D’ESCORBIAC,

CONSEILLER DU ROY MON SEIGNEUR, EN SA COURT DE PARLEMENT DE THOLOSE ET CHAMBRE DE LANGUEDOC.

Mons^r d’Escorbiac, Sur la plaincte qui m’a esté faicte par les s^rs de Matignon et de Believre, de ceulx qui sont à Varen^[1], en Rouergue, j’envoy une despesche bien ample aux s^rs de Sainct Vincent^[2], vicomte de Gourdon et de Bournasel^[3], pour tous ensemblement, et d’une commune main, s’employer à la reddition de la dicte place et punition de ceulx qui y sont dedans. Si d’adventure ils s’obstinent, je suis d’advis qu’ilz y emploient la force, comme mons^r le mareschal le desire aussy ; vous priant d’instruire ce laquais du chemin qu’il aura à tenir pour rendre les dictes lettres seurement, et advertir ceulx des Eglises de mon intention là-dessus, ensemble ceulx de la noblesse que vous cognoistrés estre besoing, sur tout me faire sçavoir par toutes commoditez l’estat des affaires de delà. Et je prieray sur ce le Createur, Mons^r de Scorbiac, vous avoir en sa saincte garde. De Castelgeloux, ce v^e febvrier 1582.

Vostre bien bon amy,

HENRY.

1. Près Saint-Antonin, département de Tarn-et-Garonne.
2. Très-probablement Jean de Gauville, vicomte de Saint-Vincent.
3. Antoine de Buisson, baron de Bournazel, chevalier de l’ordre du Roi, gentilhomme ordinaire de sa chambre, gouverneur et sénéchal de Rouergue, fils de Jean de Buisson, seigneur de Mirabel, et de Charlotte Massip, dame de Bournazel en Rouergue.