Recueil des lettres missives de Henri IV/1584/12 janvier ― À monsieur de Scorbiac

◄

précédente

Henri IV Lettres missives 1584

suivante

►

1584. — 12 janvier. — II^me.

Orig. — Arch. de M. le baron de Scorbiac, à Montauban. Copie transmise par M. Gustave de Clausade, correspondant du ministère de l’Instruction publique.

À MONS^R DE SCORBIAC,

CONSEILLER DU ROY MON SEIGNEUR, EN SA COURT DE PARLEMENT DE THOULOUSE ET CHAMBRE DE LISLE D’ALBIGEOIS.

Mons^r de Scorbiac, Ayant entendu que Beausemblant, l’un de mes tailleurs et valets de chambre, avoit certains procez par devant vous, et mesme ung contre Garnier, de Nismes, je vous ay bien voulu faire ceste-cy pour vous recommander la justice de sa cause, et pour luy faire la plus prompte qu’il vous sera possible, pour l’amour de moy. Je sçay bien qu’il n’est nul besoin de vous semondre en telles choses, pour l’integrité en laquelle vous marchez en la distribution d’icelle : qui me gardera de vous en dire aultre chose que pour pryer Dieu vous avoir, Mons^r de Scorbiac, en sa saincte garde. Au Mont de Marsan, ce xij^e de janvier 1584.

Vostre bien bon amy,

HENRY.