Rondeaux (Christine de Pisan)/XIX

Christine de Pisan

Tout en pensant a la beauté, ma dame

Rondeaux, Texte établi par Maurice Roy, Firmin Didot, 1886 (p. 158).

XIX

Tout en pensant a la beauté, ma dame.
Qu’on ne pourroit prisier souffisament.
Ce rondellet ay fait présentement ;
Car mon penser n’est ailleurs, par mon ame.

Se je l’ay fait ne s’en esmerveille ame,
Car survenu m’en est lesentement
Tout en pensant a la beauté, ma dame.

De vraie amour, qui mon cuer tout enflamme,
Est tout venu le doulz enortement^[1]
Qui esjoïst mon cuer trop grandement,
Dont suis plus gay que oyselet sus la rame,
Tout en pensant a la beauté, ma dame.

1. XIX. — 9 A² E. tost v.