Rondeaux (Christine de Pisan)/XLVII

Christine de Pisan

Combien qu’adès ne vous voie

Rondeaux, Texte établi par Maurice Roy, Firmin Didot, 1886 (p. 173).

XLVII

Combien qu’adès ne vous voie,
Simple et coye
Ou est ma joye,
Quej’aim et serfs loiaument,
Ne pourroie nullement,^[1]
Vivre se je vous perdoie.

Car sanz vous je ne pourroie
Ne saroie^[2]
Ne vouldroie^[3]
Vivre un jour tant seulement,
Combien qu’adès ne vous voie.
Et si sachiez toutevoie
Que j’emploie,
Ou que je soye,
En vous tout mon pensement ;
Car il n’est avancement
Qui me venist d’autre voie,
Combien qu’adès ne vous voie.

1. XLVII. — 5 B Ne p. longuement
2. — 8 Manque dans A¹
3. 9 Sic dans tous les mss., Corr. [Ne] ne v.