Rondeaux (Christine de Pisan)/XXII
Apparence
XXII
De tous amans je suis le plus joyeux,
Puis qu’envers moy s’est ma dame acoisiée,
Qui contre mi si mal ere apaisiée[1]
Que je n’osoie aler devant ses yeulx.
Puis qu’elle a fait la paix, or me va mieulx,[2]
Et qu’il lui plaist que je l’aie baisiée
De tous amans je suis le plus joyeux.
Moult m’a esté son courroux anieux
Et a porter la doulour mesaisiée,
Mais or suis liez quant elle est amaisiée ;[3]
Puis qu’ainsi va, et louez en soit Dieux,
De tous amans je suis le plus joyeux.