Rymes/Or qui en a, ou en veult avoir deux

La bibliothèque libre.

Or qui en à, ou en veult avoir deux,
Comment peult il faire deux Amours naistre ?
Je ne dy pas, que ne puisse bien estre
Un cueur plus grand, que croire ie ne veulx :
Mais que tout seul il satisfeit a eulx,
Celà n’à point de resolution,
Qui sceust absouldre, ou clorre ma demande :
Et toutesfois ainsi qu’affection
Croist le desir, telle obligation
Peult Dame avoir a la Vertu si grande,

Que de l’Amant la qualité demande
Double merite, ou double passion.