Thresor de la langue françoise/Alan
(2, p. 26).
Alan, C’est vne espece de chien fort corpulent & furieux comme le Dogue d’Angleterre, de teste grosse & courte, qui vient d’vne contrée d’Epire, autrement dite Albanie, qui s’appelle Molosse. Aucuns le distinguent en Alan gentil, qu’ils disent estre comme leurier, & de la taille dessus dite : en Alan vautre, qu’ils disent estre, de laide taille de leurier, & comme mastin, ayant grosse teste, grosses leures, & grandes oreilles, bon à coupler aux Ours & aux Sangliers, & Alan de boucherie, dont les bouchers se seruent à mener les bœufs farouches, & à garder leurs estaux & maisons.