Thresor de la langue françoise/Amont
Amont, aduerb. local. acut. Composé de a preposition, & Mont, comme si l’on disoit, ad montem, Il est Amont, Superiùs suprà, Maniere de parler plus frequente au Languedoc qu’au François, si n’est entre fauconniers. Car le François dit vsitément, en haut, là haut. L’opposite est, à val. Et partant dit-on Aller amont ou à val l’eau. aduerso aut secundo flumine nauigare. Et le païs d’amont entre gens de riuiere, est celuy dont la riuiere descend, & où elle a sa source. Ainsi la Bourgongne est le païs d’amont aux riuerots de Seine qui habitent à val ladite riuiere loing de la source d’icelle. La raison de cecy est parce que les sources sont repuétes plus hautes que les courans. Et pour ceste cause les anciens statuaires representans quelque riuiere en terme d’homme, luy faisoient, estant appuyé sur vn coude, tenir les espaules & la teste releuées, & le reste du corps gisant sur le rez de chaussée, Aussi appelle-on Montans les bateaux qui contremontent la riuiere, comme Auallans ceux qui vont à val icelle.
Oiseau qui se tient amont sur les autres & roüe, auis superuaganea, B. ex Festo.