Thresor de la langue françoise/Aoust
Aoust, m. Monosyllabe, vient du Latin augustus, & tantost signifie le mois de l’année ainsi nommé, Mensis Augustus, Selon ce on dit, Donné à Paris le 10. d’Aoust. Et tantost le temps de la moisson, soiage & engrangement des grains, qu’on dit ailleurs Metiues, à metendo, Messis, Selon ce on dit, I’ay fait mon Aoust, Messem absolui, & cela se dit ainsi, par ce qu’en ce mois là les metiues sont en leur force, & se paracheuent.
Aouster, trisyllabe, acu. Signifie ores faire l’Aoust metere, & est act. ores secher & meurir quelque chose que ce soit pullulat de racine, soient fruicts, soient herbes, & est neutre, Selon ce on dit, voila vn fruict qui aouste bie, c’est à dire, lequel a le Soleil à gré pour bien secher & meurir, qui meurist bien. probè belléque maturescit, car la deuë maturité & cueillete des fruicts, est quand ils sont bien cuicts & essuyez au Soleil. le defaut de quoy les fruictiers & cidriers reparent par les faire suer en gros tas apres qu’ils sont cueillis & mis aux greniers, qui est ce que le Maceau appelle Migeoller, on dit aussi au passif, voila vn fruict qui est bien Aousté, qui probè maturuit.
Aousteron, m. acut. Trisyllab. est celuy qui se louë à soyer les bleds, Messor, Et est ainsi appelé pour la raison dite au mot Aoust, voyez Aoust.