Thresor de la langue françoise/Appennage
Appennage, Fiducia perpetua, aut ad nepotes transiens, B. C’est vne terre & seigneurie que les peres donnent à leurs puisnez, pour en iouyr par eux & leurs hoirs, Duquel mot on vse proprement pour les assignations de duchez ou contez & pays qui sont faites & baillées par le Roy, à ses second & autres puisnez enfans, ou à ses freres. Et estiment aucuns que ce mot appennage, vienne de cest autre Pain, prins en si large signification que Lechem, en Hebrieu, c’est à dire, pour tout aliment de l’homme, Comme de vie viage, de part partage, & sembl ables. Car l’appennage se baille aux enfans de France autres que Dauphin, pour entretenir leur estat & maison.
Appennager, c’est bailler à tels que dit est cy deuant, duché, ou comté, pays, terres & seigneuries pour son entretenement.
Apenner, c’est Appennager, Au second liure d’Amadis 1. chap. Ie me tiendray tresbien appenné d’auoir ce que vous luy auez laissé.