Thresor de la langue françoise/Arme
Armé, m. acut. C’est vn nom participial adiectif, Armatus. Celuy qui est equippé d’armes pour la guerre, soit de toutes pieces, qu’on dit armé de pied en cap, Cataphractus miles, & vn cheual armé quand il est couuert de bardes, chanfrain & criniere, ou de quelques pieces sans plus, comme, Il estoit armé de picque & corselet.
Armée, f. penacut. Ores est adiectif & feminin de Armé, comme vne femme armée, Mulier armata. Et ores est substantif, & signifie toute l’assemblée & puissance d’vn Prince, Republique ou Capitaine en gens de pied & de cheual, qu’il a mis sur les champs pour guerroyer, Exercitus, comme, L’armée du Roy est bien pres, Haud procul abest Regius exercitus. L’Italien & l’Espagnol ont ces deux mesmes significations sous mesmes mots, disans : Vna donna armata, Et, L’armata de Venetiani. Muger armada, Et, L’armada del Turco.