Thresor de la langue françoise/Arpent
Arpent, m. acut. Est la grande mesure par laquelle sont mesurées les terres, vignes, prez, bois & autres heritages ; lequel à mesure de Roy contient cent perches à vingt pieds pour perche, à douze pouces pour pied, & à douze lignes pour pouce, ce qui est entendu à perche quarrée. Lequel se partit en deux demis arpents, puis en quatre quartiers, puis en seize quarterons, puis au plus en soixante quatre quartes. Columelle au li. 5. de l’Agriculture, chap. 1. dit que les Gaulois appellent Arepennem, ce que les Latins appellent Semiiugerum, mais ou l’ancienne mesure de l’arpent estoit lors moindre que celle de present, ou ledit Columelle a commis erreur de calcul. Car attendu que (selon l’opinion de Varron, au liu. de l’Agriculture premier, chap. 10.) le Iugerum des Romains & Latins contenoit deux Actus quarrez, & iceluy Actus contenoit six vingts pieds en quarré, c’est à dire en tous sens, le dire du susdit Columelle ne se peut verifier pour establir que nostre arpent soit du contenu du Semiiugerum des Latins & Romains.
Demy-arpent, m. acut. Est vn nom composé de deux entiers, comme demy-homme, & est la premiere partition de l’arpent. Il contient cinquante perches en quarré, Mille pedes quaqua versus. Iugerum.
Demy-arpent, & la moitié d’iceluy, Sesquiiugerum.
Par chaque demy-arpent, Iugeratim.
Les trois parts d’vn arpent de terre, Dodrans arepennis.
Arpenter, act. acut. Est mesurer vn terroir par arpents, & demy-arpents, & autres partitions de l’arpent, Aripenni modo rura metiri.
Arpentage, m. penacut. Est la mesure faite d’vn terroir ou heritage, soit qu’elle soit reduite par escrit, ou non, Modus agri.
Arpenterie, f. penac. Est l’art & science de mesurer les terres par arpents, demy-arpents, & autres partitions de l’arpent, Geometria, Per aripennorum modos mensuratio.
Arpenteur, m. acut. Est celuy qui mesure les terres par arpents, & les partitions d’iceluy, Mensor, Geometra.