Thresor de la langue françoise/Arriere-boutique
Arriere-boutique, f. penac. Est composé de ces mots Arriere, & Boutique, & signifie vne seconde boutique, Postica taberna, Taberna posterior, Interior apotheca. Car boutique François vient du Grec. Et parce que les marchants tiennent communement leur meilleure marchandise aux arriere-boutiques, on dit par metaphore, Il a vne arriere-boutique, ou, Il se reserue vne arriere-boutique, de celuy qui ne monstre tout son sçauoir de premier front, ou, qui desguise son courage, & fait autrement en derriere qu’en presence des personnes, &, ; Il s’attend à son arriere-boutique de celuy qui s’attend à la fin de desployer & estaller son eminent sçauoir. Laquelle metaphore se pourroit appliquer aux Aduocats, qui en leurs precedentes escritures font espargne de leurs plus forçants & victorieux moyens, s’attendants les mettre en ieu aux saluations, voyez Arriere.