Thresor de la langue françoise/Asne
Asne, m. penac. Est vne espece de beste de charge, dure au trauail, & de toute sorte de fourrage pour son viure, duite à endurer coups de baston, assez commune & cogneuë és villages & moulins, tardiue & lourde, Asinus. Duquel mot il vient par syncope & apherese, approchant le mot Grec όνοζ. L’Espagnol dit Asno, par mesmes moyens. Et par metaphore on attribuë ce mot d’Asne à vn homme grossier d’esprit, tardif, lourd & de nulle apprehension, & à celuy qui prend beaucoup de grosse peine, Homo hebes, Ingenij obtusi, Homo clitellarius.
Asnes desquels on reçoit beaucoup d’argent, Multinumi asini.
L’asne qui tourne la meule, Asinus molarius.
Meule qui se tourne par vn asne, Asinaria mola.
Le petit d’vn asne, Pullus asininus.
Vn asne sauuage, Onager.
Le petit d’vn asne sauuage, Lalisio.
Vn asne basté, Mulus clitellarius.
Asnesse, f. penacut. Est la femelle de l’Asne, Asina, & est terminaison Françoise, ainsi que de Ladre il dit Ladresse, & de Prestre Prestresse. Ce qu’il ne fait és seuls noms finants par la voyele E, ains en aucuns qui terminent au masculin par consonante, comme de larron, larronnesse.
Asnon, m. acut. N’est pas le diminutif du masculin Asne, pour dire vn petit Asne, ce que le Latin dit Asellus, ains est le nom d’vn asne nouueau né, & tant qu’il tette sa mere, Pullus Asinae, ce que monstre assez le verbe Asnonner, qui signifie deliurer par vne asnesse pleine, de son asnon, voyez Asnonner.
Asnonner, acut. neutr. Est deliurer d’vn asnon, Pullum asininum edere, & se dit proprement des Asnesses, Pullum asinarium párere.
Asnier, C’est celuy qui pense & mene les asnes, dont est le prouerbe, A rude Asne rude Asnier, pour dire, A vn homme reuesche faut vn qui soit aussi reuesche qu’il est, Agitator aselli, Asinarius, Agaso, & gros Asnier, pour vn homme de grossier & pesant esprit.