Thresor de la langue françoise/Beavcaire
beavcaire, m. penacut. Est le nom d'vne ville aßise sur le bord du Rosne front à front de la ville de Tarascon, assisse sur l'autre riue de ladite riuiere sur le Limite du pays. de Prouence, tout ainsi que Beaucaire sur celuy du pays de Languedoc de l'vne des Seneschaucées duquel il est chef & ville capitale, pour raison dequoy est la dite Seneschaucée appelée la Seneschauscée de Beaucaire, auec ceste addition & Nismes, parce que le principal siege d'icelle est assis en la ville de Nismes, plus grande, plus ancienne, & mieux peuplée que ledit Beaucaire. Aucuns disent que c'est Bellocarum : autres, & vulgairement, Bellicadrum, autres que ce a esté iadis l'vn des cantons de la nation appelée Cauares, desquels Pomponius Mela escrit, Cauarum caput Auenio.