Thresor de la langue françoise/Bennel
Bennel, m. acut. Monstrelet li. 1. ch. 43. Et entretant que ces choses estoient dites & faites, maistre Saussien & le messagier de Pierre dela Lune, qui auoient apporté les letres dessusdites au Roy, tous deux Aragonnois, mitrez & vestus d’habillemens, où estoient figurées les armes d’iceluy Pierre de la Lune renuersées, furent amenez moult honteusement sur vn bennel, du Louure en la cour du Palais, où empres le marbre au pied des degrez estoit vn eschaffaudis leué, sur lequel ils furent mis, & montrez moult longuement à tous ceux qui voir les vouloient. Et auoit escrie sur lesdites mitres, ceux sont desloyaux à l’Eglise & au Roy. Et peu apres : Et le lendemain les deux Arragonnois dessusnommez furent derechef menez & eschaffaudez parmy Paris.