Thresor de la langue françoise/Biere
(2, p. 78).
Biere, f. penac. Signifie ores ce coffret de bois, large par vn bout, & estroit par l’autre, où l’on enclot le corps d’vn trespassé pour estre porté & mis en terre. Capulum. Et ainsi est prins au Prouerbe qui dit, Apres le sanglier le myere, Apres le cerf la biere. L’Italien dit, Bara, Presque pour le mesme, qui peut estre rendu en Latin par feretrum, & Sandapila. Et qui voudroit dire que ce mot Italien, Bara, & le Francois Biere, vinsent de Baratrum, diction Grecque, il auroit cete seule raison pour luy, que Baratrum, Selon Diomede, signifie aussi vn certain lieu qui est és enfers, iceux enfers prins selon l’vsage du mot enuers les Latins. Ores Biere signifie cette maniere de boisson vsitée és pays froids qui n’abondent en vin. Zytum.