Thresor de la langue françoise/Camus
Camus, m. acut. Est celuy qui a le nez retroussé. Silus quique naso est, sursum versus repando, Comme dit Festus, Simus. Aucuns l'extrayent de Camurus, Qui signifie Recuruus, Parce que Festus a dit, Boues camuros à curuatione ex Graeca dictione dictos esse. Mais il n'est pas sans raison de l'extraire de Aussi diction Grecque, qui signifie fermer & clorre, d'autat que les camus ont le nez pressé, & come clos. Celuy qui le tire de , Diction pareillemet Grecque, se peut emparer de Festus au lieu dessusdit. Combien que les physionomiques dient que les camus sont eshontez, & impudens, Si vse le Francois de ce Prouerbe, il est bien camus, ou, ô qu'il est camus, pour dire, Il est bien eshonté, & hors de contenance, & auergoigné, La raison duquel Prouerbe semble estre, parce que quand aucun est acculé de raison, & sans replique, il met coustumierement la main à son nez par contenance. Or le camus en est si petitement party, qu'il ne s'en peut preualoir pour se contenancer.