Thresor de la langue françoise/Chable
Chable, m. penac. Est vne espece de cordage, gros, dont les gros & pesans fardeaux, soient pierres, ancres, ou autres telles choses sont tirez à mont, ou en plain, ou amarrez & arrestez, & partant ce mot est commun à plusieurs mestiers, vsans communement de telle grosse corde, comme aux mariniers, massons charpentiers, Funis nauticus Rudens, Il peut estre deriué de ce mot Hebrieu Hebel, escrit par Cheth & six poincts, (que nous prononcons Chebel, pour representer la prononciation dudit Cheth lettre gutturale) qui signifie vne corde de toutes sortes, & par corruption de prononciation & transposition de la lettre L, semble ce mot Francois Chable en estre descendu, ou bien de ce mot Grec κάλωζ, vsité pour tout cordage & amarrage de nauires & autres vaisseaux de nauigation, Funis, Rudens.
Les chables, Tomices, Funes ex crassa materia, B.
Deslier & destacher le chable qui tient le nauire, conuellere funem à terra.