Thresor de la langue françoise/Chancelier
Chancelier, m. acut. Est le chef & souuerain magistrat de la iustice en France, suyuant d’ordinaire le Roy, ayant par deuers luy les seaux de la couronne pour seeller tat les lettres emanées du comandement, don & octroy de sa maiesté, & des finaces, que celles qui se presentent immediatement par deuant luy, quelque maniere de lettres que ce soit, s’il les trouue raisonnables, & les trouuant autres, Il en fait rapport & remonstrance au Roy, quant aux deux premieres especes au moyen dequoy il peut au premier & de l’institution de cest office auoir esté appelé Referendaire, comme Aimoinus, Vincent de Beauuais, & Gregoire de Tours le nomment, ou parce qu’il faisoit au commencement rapport au Roy des requestes d’importance qui estoient presentées à sa Maiesté ; & quant à la derniere espece il les cancelloit anciennement en signe de refus, à cause dequoy il porte tel titre, là où despuis on leur ropt simplement la queuë & le reply, ou leur passe-on le ganiuet à trauers. Aucuns dient qu’il a esté aussi appelé. Annulaire, parce qu’au lieu du grand seel d’àpresent, Il seelloit anciennement de l’anneau du Roy graué aux armes de France. Et est l’vn des officiers de la courone, pour laquelle raison on luy donne ceste adiectio de France, ainsi que aux Connestable, Mareschaux, & autres tels, lequel partant n’a besoing prendre lettres de confirmation d l’aduenement d’vn nouueau Roy, ny le peut-on demettre dudit office, si n’est en luy faisant perdre la vie. Trop bien luy viuant peut le Roy retirer lesdits seaux de Frace de ses mains, & en comettre l’exercice à qui il luy plaist en titre de garde, (qui pour ceste cause est appelé Garde des seaux de France, & par le comun, plus abbregéement, Garde seaux, demeurat le titre de Chacelier neatmoins à celuy qui l’est. Aucus le redent par nos Grecs & Latins bie esgarez, faignas de l’appeler cancellarius, mais rie n’obste à cela, veu que nous rendons Huißier par Ostiarius, & Budée le nomme cancellarius.
La chancellerie, Cancellaria, Monophylacium, Officina diplomatica, Iurisdictio summi iuris emendatrix ex boni aequíque sententia, Oraculum aequitatis, Ara aequitatis & clementiae.