Thresor de la langue françoise/Chardoniere
(2, p. 114).
Chardoniere, f. penac. Est cette piece de bois qui va de haut en bas du costé des gōds, és portes, huis, & fenestres, dans laquelle les trauersins sont enchassez par vn bout, & tient aux bandes de fer, aggraffées aux gonds, si c’est vn huis ou fenestre, ou au linteau par en haut, par le moyen de sa bourdonniere, & à la crapaudine par en bas, par le moyen du piuot, si c’est vne porte. Et est appelée ainsi, à cardinibus. Qui sont en François appelez gonds ; parce qu’elle tient ausdits gonds, quoy que ce soit, est assemblée, au reste de la porte, huis ou fenestre, du costé que sont ou doiuent estre les gonds. Aucuns l’appellent charniere, & autres chardonnereau, voyez Battant, & Bourdonniere.