Thresor de la langue françoise/Dalmatique

La bibliothèque libre.
◄  Dalmaces
Dam  ►

Dalmatique, f. penac. Est vne maniere de vestement sacerdotal à la Grecque, descendant iusques aux talons, ainsi dit parce que les Dalmatiens & Sclauons, comme dit Isidore, l’ont au premier mis en vsage, & tissu de blanc & moucheture de pourpre l’estoffe dont ils faisoient faire telle maniere d’habit, Nic. Giles en ses. Annales parlant du Roy Charles le Chauue : Il contemnoit de viure & soy habiller à la maniere des François & se gouuernoit à la maniere des Gregeois. Il auoit volontiers vestue vne grande Dalmatique, qui luy venoit iusques aux talons, & auoit la teste enuelopée d’vn couurechef de soye, ainsi qu’on peind le grād Soudan de Babylone, & portoit vne couronne dessus, & tousiours auoit à son costé vn grand badelaire Turquois, Dalmatica vestis, Pallium Dalmaticum, Matthieu de VVestmonstier en son Flores historiarum insere vne lettre de Charlemagne à Offas Roy des Merkieurs (Merciorum) auquel entre autres choses il escrit en ces mots. Cognoscat quoque dilectio vestra quòd aliquam benignitatem de Dalmaticis nostris vel pallijs ad singulas sedes Episcopales regni vestri, vel Ethelredi direximus, in eleemosynam Domini Apostolici Hadriani.

Dalmatique est außi appelé l’vn des vestemens desquels est mystiquement vsé en la celebration de la messe, qui est fait à manches larges en maniere de croix, mis en auant par le Pape Syluestre au lieu du Collobe qui estoit sans manches. La façon & signifiance mystique de laquelle, & qui sont ceux qui en doiuent estre vestus, sont au long declarez par Durand lib. 3. c. 11. In rationali diuinorum officiorum. Alcuinus de diuinis offic. Amalarius Fortunatus lib. 2. c. 21. de ecclesiastic. offic. Rhabanus de institut. clericor. lib. 1. c. 20. VValafridus de reb. ecclesiast. c. 24. Et Yues Euesque de Chartes, De reb. ecclesiast.

Estre vestu à la Dalmatique ou Dalmacienne, Dalmatiatus, Ainsi Philippe Venuti en son dictionnaire Italien rend ceste maniere de parler Italienne, Vestito alla sciauonesca, Mais Lampride In Heliogabalo, dit Dalmaticatus, In publico post cœnam saepe visus est Gurgitem Fabium & Scipionem se appellans, quod cum ea veste esset, cum qua Fabius & Cornelius à parentibus ad corrigendos mores adolescentis in publicum essent producti.