Thresor de la langue françoise/Saultelle
Saultelle, f. pen. Est vn brin de sarment tenant à la souche, lequel en taillant la vigne est laissé debout par le tailleur de la vigne, ce qui est pour tirer au vin, & est l'interest de la souche, qui en demeure d'autant plus chargée au porter. Et par ce que la saultelle demeure sans estre taillée, & debout, elle est auβi appelée Bois debout, Sarmentum non putatum. Sarmentum stans atque erectum, Qui est vn indice d'vn mauuais pere de famille és vignes où elles sont en grand nombre.
Saultement de l'vn à l'autre, Insultura.
Saulteur, m. acut. Tantost est adiectif, celuy qui saulte, Saltator, Dont est dit par ironie d'vn abuseur qui veut paistre & contenter les autres de sauls & gambades, c'est vn beau saulteur, Illusor, Et tantost est substantif en fait d'armoirie, & se prend pour la croix Sainct André ou Bourguignone, & est de la façon de ceste lettre Grecque χ, telle qu'on la void en l'escu de messire Raoul Connestable de France, & de maints autres és Catalogues de Feron.
Boules de plomb que les saulteurs tiennent en leurs mains pour le contrepois, pour mieux saulter, Alter, altêris.
Vne petite beste appelée Saultereau, Attelabus, Locusta.
Sauterelle, ou Danseresse, Saltatrix.