Thresor de la langue françoise/Secretaire
Secretaire, m. penacut. Proprement prins est celuy qui reçoit le secret d'autruy, mais le François en vse en plus large signification, pour celuy à qui est dit tout bas & comme en l'oreille, par le Roy, Prince, ou autre grand Seigneur, ce qu'il vent estre par luy mis par escrit, soit en lettres missiues ou autres despesches, dont aucuns le rendent en Latin, Qui principi ab aure est. Et pour autre raison Amanuensis, & ab Epistolis. Librarius principis. Bud.
Secretaires des commandemens, qu'on nomme à present Secretaires d'Estat, à la façon Espagnole, sont ceux ausquels les commandemens du Roy, publiques & particuliers sont addressans, pour les rediger par escrit en lettres patentes, ou closes, ou breuets. Car comandemens, en telles matieres, signifioit, lettres patentes du Roy, comme se peut comprendre, par Aimoin escrit au liure 3. chap. 2. Et en autres lieux d'iceluy autheur. Et
sont quatre.
Secretaires du Roy, & Notaires & Secretaires du Roy ; car l'adionction du mot Notaire (dont procede cestuy, Protonotaire, qui est attribué au Greffier Ciuil de la Cour de Parlement de Paris) est de signification plus generale que de Secretaire, Qui notis Regia mandata excipiunt, quique secretiora Regis iussa diplomatibus populo ac iudicibus exequenda exponunt.