Thresor de la langue françoise/Talut
Talut, ou Talus, m. Combien que ce mot vienne de Talus, mot Latin, toutesfois il n'est vsurpé par les François en la proprieté de son origine, disant le François Talon, pour ce que le Latin dit Talus, & Talus ou Talut par translation pour la pente ou escoulant d'vn heurt, ainsi qu'on void entre le val du fossé & le pied de la muraille. Lucian appelle cela
πζόπεζ, Antepedamentum. Et l'vsurpe le François ainsi, par ce que le talon de l'homme est ainsi fait. Selon laquelle signification on dit, Faire en talut ou en talus, c'est à dire, en adoulcissant de haut en bas, Statuminare. B. Les tonneliers ont attiré ce mot metaphorisé à leur mestier, appelans Talus, ce cerceau qui est tout le premier en l'emboucheure des douues, parce que ce cerceau là, eu esgard au Sommier (qui est ce cerceau double qui l'ensuit) gist en la relieure de la fustaille, comme en talut dudit Sommier.