Thresor de la langue françoise/Taner
Taner, act. acut. Tantost & proprement est outrer les cuyrs de tan, qu'on appelle proprement coudrer. Tantost teindre quelque chose en couleur tanée, c'est ressemblant à celle du tan. Et tantost par translation, fascher, ennuyer & molester autruy, Mœrore ac molestia quempiam conficere. Car a ceux qui ainsi sont outrez de fascherie & ennuy, le visage leur deuient iaunastre & blaphastre comme couleur de tan.
Tanerie, f. penacut. Se prend ores pour l'art & mestier des taneurs de cuyrs. Et ores pour l'amas & rue de leurs ouuroirs & boutiques.
Taneur, m. acut. Est l'ouurier & artisan qui tane les cuyrs, gros & menus voyez Coudrer, & Tan.
Taneuse, f. penac. La femme qui exerce la tanerie des cuyrs.
Ville-Taneuse, est vn village à trois lieuës de Paris par delà Saint Denys en France.