Thresor de la langue françoise/Tiercelet
(2, p. 628).
Tiercelet, m. acut. Est vn terme approprié à la faulconnerie, & est prins pour le masle de l'autour, ainsi nommé, comme dit Tardif, au cha. 8. de sa fauconnerie, d'autat qu'il naist trois autours en vne nyaie, deux femelles, qui sont l'autour, & le demy autour, & vn masle, qui est le tiercelet, ainsi on dit c'est vn tiercelet d'autour. aucuns estiment qu'il soit ainsi appelé, pource qu'il est vn tiers plus menu que la femelle par ce que comme le dit Tardif dit au premier chap. dudit liure, la femelle des oyseaux viuans de proye, est plus grande que son masle, là où le masle des autres oyseaux ne viuans de rapine, est plus grand que sa femelle.