Thresor de la langue françoise/Tourtoire
(2, p. 636).
Tourtoire, f. Est vn terme de Venerie, & vient de ce verbe Tourner, prins pour destourner, & signifie selon Phebus, vne maniere de houssine forte, & de la grosseur d'vn eschallas de saulx, que les Veneurs & picqueurs de la meute portent en la main, pour brosser & tourner les branches marchants & picquans par les forts, laquelle ils ne portent pelée tant que le Cerf ayt touché au bois, & frayé. C'est aussi vn instrument de fer affusté de bois, duquel les tonneliers endentent les cerceaux appelez Talu, & Sommier, les tirans à force pour y faire entrer le iable de la fustaille, selon laquelle signification il viendroit de ce verbe Latin Torqueo, qui signifie ramener à force, & contraindre en pressant ou tirant quelque chose.