Thresor de la langue françoise/Virer
Virer, act. acut. Est tourner comme en rond, & semble venir de Gyrus, ou de Gyrare, par mutation de g, en u, Vertere in circulum, on y adiouste quelquesfois ce verbe Tourner, & dit on par plus grande emphase, Virer & tourner, & par contreposition, Tourne-virer, Circulo atque adeo in gyrum agi, Circulo conuerti.
Virement, Gyrus, rectiùs. Vireuolte, ou Vireuoulte.
Vireuolter, ou Vireuoulter, neutr. acut. Est se tourner en voulte, c. en rond, estant dit Voulte, ce que l'Italien dit Volta, c. vn rond, par ce que de là où commence le cercle, là il tourne pour s'acheuer, Circumagere se. Et est composé de Virer & Volter, l'vn naif François, l'autre naturalisé.
Vire-voulte, f. penacut. Est le tour qu'on fait de son corps en rond, Circumactio corporis. Et est composé de Vire, qui est pur François, & Volte estranger.