Cette page a été validée par deux contributeurs.
28
le jeu de saint nicolas
connars
Amis, on m’apele Connart.
Crieres sui par naïté
As eskievins de la chité.
Soisante ans a passés, et plus,
Que de crier me sui vescus.
Et tu, con as non, je te pri ?
raoulés
J’ai non Raouls qui le vin cri ;
Si sui as homes de le vile.
connars
Fui, ribaus, lai ester te gille.
Car tu cries trop a bas ton ;
Met jus le pot et le bâston,
Car je ne te pris un festu.
raoulés
Qu’est che, Connart ? boutes me tu ?
Raoulet houspille Connart.
connars
Oïl, pour poi je ne te frap ;
Met jus le pot et le hanap,
Si me claime le mestier quite !
raoulés
Oiiés, quel lecherie a dite
Qui me roeve crier notorne.
Connart, or ne fai pas le prorne,
