Cette page a été validée par deux contributeurs.
34
le jeu de saint nicolas
XX. — Les mêmes,
Rasoirrasoirs
Rasoirrasoirs
Et Diex vous saut, segneur serjant !
Or ai canques j’ai demandé
Quant j’ai Cliquet et Pinchedé :
Mout les desiroie a veoir.
clikés
Or cha, Rasoir ! Venés seoir,
S’arés de no commenchement.
rasoirs
Certes, segneur, hardiement
Me meterai en vostre otroi :
Nous sommes compaignon tout troi.
pincedés
Donnés li boire viaus, Cliquet !
clikés
Vois comme il fait le velouset ?
Boi, Rasoir ! Bien t’est avenu,
Encor n’avons nous plus venu,
Au premier caup nous as ratains.
rasoirs
Ha, certes ! segneur, c’est del mains :
S’il en fussent venu dis lot,
N’eskievasse jou vostre escot.
Sommes nous ore a racointier ?
Caignet, or sache un lot entier :
Se Dieu plaist, bien sera rendu.