Cette page a été validée par deux contributeurs.
50
le jeu de saint nicolas
pincedés
Rue chaiens tout a un fais,
N’ai talent que l’escrin i lais.
J’aim miex assés que je m’en grieve.
Chi voeil jeu esprouver me forche,
Ne voeil c’autres de moi l’en porche :
Encarkiés le moi, s’i vous siet.
rasoirs
Preu ! Nous t’aiderons toute voie.
clikés
Or nous metons dont a le voie,
Entreus que si bien nous en chiet.
XXII. — Les mêmes,
le tavernier, Caignetrasoirs
le tavernier, Caignetrasoirs
Ostes, ostes, ouvrés nous l’uis,
Vo sas ne revient mie vuis,
Ne vous volons pas dechevoir.
li ostes
A foi, bien vegniés vous, segneur !
Or tost, Caignet, aïe leur !
Tes hom fait bien a rechevoir.
pincedés
Segneur, jou ai eü grant fais :
Che ne seroit mie fourfais
Se je buvoie a ceste laisse.