Cette page a été validée par deux contributeurs.
51
v. 1014—1048
clikés
Dehait qui cest envïal laisse !
Car bons vins tous mes maus aliege.
li ostes
Segneur, et biau fu et bon siege
Arés vous, onques n’en doutés,
Et vin qui n’est mie boutés,
Ains crut en costiere de roche.
rasoirs
Caignet, abaisse un poi le broche,
Si nous laisse taster au trouble.
[clikés]
Biaus ostes, et candaile double
Nous faites aporter avoec.
li tavreniers
Il n’en venra mie senoec.
Si con je pens et adevin.
caignés
Segneur, ves chi candaile et vin
Mieudres que il ne fu deseure.
rasoirs
A foi, beneoite soit l’eure
Que si fais vins fu entonnés !
clikés
Caignés, or tost nous en donnés,
