Cette page a été validée par deux contributeurs.
57
v. 1114—1143
pincedés
Ains ai uit poins en me keanche,
C’est miex de hasart toute voie.
clikés
Certes, tu te couvris d’un troie,
Es autres deus eut as et quatre.
pincedés
Or laissiés treize a uit combatre,
Tost ira la ou aler doit.
clikés
Voire, honni soient chil doit
Qui si souvent sont remué.
pincedés
Diex ! Un plus ! S’arai bien joué ;
Set n’eüsse je mie pris.
clikés
Or seroient treize de pris
S’il voloient venir a nous !
pincedés
A, sains Lienars ! Chu desous
Si seroit li affaires plains.
clikés
Sains Nicolais ! Un tout seul mains !
[pincedés]
Ves chi uit, che sont mi ami.
