Page:Castets - La Chanson des quatre fils Aymon, 1909.djvu/782

754

les quatre fils aymon

Ci vindrent pautonier qui me voldrent sa[i]ssir ;^[1]
Distrent qu’il me prendroient, n’i pooie faillir.
14890Si m’aïst Dex de gloire, [je nel poi consentir],^[2]
Ge le[s] fis de laiens molt laidement saillir.^[3]
Ne sai quans an ocis, ne m’en poi atenir.
Là hors, par ces fenestres, les fis ge tos jaillir ;
Se vos plaissir i est, vos le poes veïr. »

14895« Renaut, ce dist Richars, or oies mon pensé.^[4]
Se ge vos ai mesfait, por Jhesu l’alosé,
Pres sui de l’amendeir, ja [si m’ert] devisé.^[5]
Ne saves vos piecha, q’an a à cort usé
Que ribaut ne garçon, se n’est prince o chasé,
14900Ne doit jugier franc home qu’il soit ars ne berssé ?
Se il le comparerent, ne doi estre blasmé. »
« Par Dex, ce dist Renaus, ne sai qu’avez usé,
Mais savoirs est molt fox qui si m’a reüssé.^[6]
Et [se n’ai pais à] Charle, lo roi demesuré,^[7]
14905Ancui seres pandus et devant lui berssé. »^[8]
Puis dist : « Prenes lo moi, trop par a demoré,
Qant mes homes a mors, qui ci sunt amassé. »^[9]

Richars fu pris laiens et chascuns lo vergonde ;^[10]
Les mains li ont liiés en la chambre reonde,
14910Puis si l’en ont mené, d’armes li font esponde.
« Richart, ce dist Renaus, ge voil que l’an me tonde,
Si ancui ne vos pant ou ars o noi en onde,
Se pais n’en ai par vos et par vostre faconde. »^[11]

1. 14888 L sassir.
2. 14890 Sic M. L qui tot a à baillir.
3. 14891 L le.
4. 14895 L mom pensé.
5. 14897 Sic M. L ja mar si devisé.
6. 14903 M manque le vers.
7. 14904 L Et de vou seignor K. M Mez se o roi n’ai pes qui m’a cueilli en hé. A réunit ce vers et le suivant : Se au roi n’ai ma pais, ja serez encruez.
8. 14905 M Enqui serez as fourques devant lui escroé. A, on l’a vu, donne ici encruez. Michelant donne la leçon de M parce que pandus et berssé lui paraissent s’exclure.
9. 14907 M mal m’a servi à gré.
10. 14908 M pris errant.
11. 14913 A parmi votre personne.