Dist à l’ paien : « Deus tut mal te cunsentet !
« Tel as ocis que mult chier te quid vendre. »
Sun cheval brochet, ki de curre cuntencet.
Ki que F cumpert, venut en sunt ensemble. Aoi.
CXXXIX
Grandonies fut e prozdum e vaillant
E vertuus e vassals cumbatant.
En roi sa veie ad encontret Rollant.
Enceis ne l’ vit, si l’ conut veirement
A l’ fier visage e à l’ cors qu’il ont gent,
E à l’ reguart et à l’ cuntenement.
De Durendal veit il l’acier sanglent,
Ne poet muer qu’il ne s’en espaent :
Fuïr s’un voelt, mais ne li valt nient.
Li Quens le fiert tant vertuusement,
Tresqu’ à l’ nasel tut le helme li fent,
Trenchet le nés e la buche e les denz
Trestut le cors e l’osberc jazerenc,
De l’ orie sele les dous alves d’argent *
E à l’ cheval le dos parfundement :
Ambur ocist seinz nul recoevrement.
E cil d’Espaigne s’en clciment tuit dolent.
Dient Franceis : " Bien fiert nostre guarant. "
Aoi. CXL
La bataille est merveilluse e hastive,
Franceis i fièrent par vigur e par ire :
Trenchent cez puignz, cez costez, cez eschines,
1602. Nasel. C’est la partie du heaumédestinée à protéger le nez. Voir l’Éclaircissement III, sur le costume de guerre. — Voici, d’après le sceau de Matthieu m, comte de Beaumont-sur-Oise, en 1177, un exemple de l’effet produit par le nasel :
