incontinent je le vous feray sçavoir, vous priant faire le semblable du lieu où vous serez à celle que tousjours
trouverez Vostre bonne tante et amye, MARGUERITE. [F. Béth., nº 8549, fol. 153. Dictée. ] 73.
DE LOUISE DE SAVOYE A M. DE MONTMORENCY.
Blois, le 8 mars (1530). Mon
nepreu, , arrivant en ce lieu de Bloys, j’ay trouvé ma fille si grosse qu’il seroit difficile sans dangier la mener plus avant. Pour ceste cause, le Roy et moy avons conclud de la laisser icy faire ses couches. Parquoy me semble, mon nepreu, je vous en prie, que vous devez mander à ma niepce, vostre femme, qu’elle s’en viengne icy pour fere ses couches, qui sera chose à propos pour vous et pour elle, car en ce faisant vous la verriez ung moys plus lost que ne feriez, demeurerez plus longuement avecques elle, sans habandonner les afferes du Roy, lesquels ne se peuvent passer de vostre présence. Par quoy de rechief je vous prie, mon nepveu, que vous veuilliez incontinent despescher devers madicte niepce, luy mander que incontinent elle s’en viengne avecques ma fille….. etc. Escript à Bloys ce viije jour de mars. LOYSE’.
[F. Béth., n° 8544, fol. 15.] Madame de Montmorency ne vint pas rejoindre Marguerite à
