LETTRES INÉDITES fist, cuidant se faire le contraire de ce que Dieu l’a faict ; cela suffit seulement pour faire désirer à toutes femmes estre hommes, pour vous servir à rabaisser son orgueil, sans ouser repenser la dernière cruaulté’, quy est sy grande, que celuy seul qui la congnoist en fera la vengeance, comme vous l’avés remise en luy, en luy sacrifiant vostre voulenté ; dont tout soudain commença à vous remunérer de
sy bon effect, que l’espérance certaine d’une heureuse fin doit estre la consolacion de vous et de ceulx qui ne congnoissent aultre voulenté
que la vostre ; et comme celle qui, après vous, a plus porté que son fais de l’ennuy commun à toute créature bien née, j’estimerois la fin de ma vie ung paradis, sy elle estoit mise pour vous y que service. Mais congnoissant que je n’ay mérité tant de bien que d’avoir occasion de vous monstrer ce que vous sentés comme ce quy est vous mesmes ; attendant vos commandements ; ne pouvant donner pour vous aultre exercice à mon désir ; le va continuellement présenter à celuy qui peult, ou par amitié ou
par destruction, rendre vostre ennemy
tel que
vous le désirés ; luy suppliant en bonne santé vous donner longue et contente vie, et en vostre bonne grace
à jamais pour recommandée retenir Vostre très humble et très obéissante subjecte et mignonne,
MARGUERITE. [F. Béth., n° 8507, fol. 3. Auto.] faire quel1
L’empoisonnement du dauphin François, par Sébastien Montecuculli. On voit que François Jer et sa famille n’hésitaient pas à en accuser Charles V.
