LETTRES INÉDITES mm
Vous 134. — A M. D’IZERNAY. Amiens, 21 avril (1537). M. d’Izernay, j’ay receu les lettres que m’avez escriptes, et vous asseure que vous m’avez faict très grand plaisir de m’advertir bien au long des nouvelles du lieu où vous estes. Je vous prie prendre la paine d’y continuer le plus souvent que pourrez. J’escrips à présent à M. le grand maistre et à M. de Chasteaubryant’, et à M. Desnedy, et vous prie leur bailler mes lettres ; et quand ilz m’en feront responses, les me faire tenir seurement. Nous soinmes icy demeurés encores pour cejourd’huy et pour demain, qui est dimanche, et luody matin nous en partirons. il me desplaist qu’il y a si long chemin entre icy et Béarn ; je vouldrois bien qu’il n’y eust que dix lieues, pour plus toust faire au Roy le service que nous désirons. Je
vous prie, M. d’Izernay, faire tousjours envers M. le grand maistre le bon office que vous avez commencé pour le roy de Navarre et pour moy, et l’asseurer que toute notre fiance est en luy” ; et si je ne luy escrips souvent, qu’il m’en tienne pour excusée, car la congnoissance des grans et continuels empeschemens qu’il a me garde de l’occuper à lire mes lettres. Et n’oubliez de luy remonstrer ce que je luy escrips · Gouverneur de la Bretagne. Pour recouvrer le royaume de Navarre.
