LETTRES INÉDITES le royaulme de Navarre pour recommandé, et aider à le remettre entre les mains dont il a esté ousté pour s’estre desclaré françoys’. Vous sçavés quel honneur ce sera au Roy de remettre son beau frère en son héritaige, et quel esemple à tous les princes gardant leur neutralité, voyant que le Roy n’oublie les services passés. Vous sçavés que M. le grand maistre de Boisyº avoit pris cest affaire en main et y avoit desjà mis bon commencement. Je croy, mon nepveu, que le roy de Navarre ne trouvera moins de faveur en vous, en quy de sy long temps il a fiance et amitié, qu’il faisoit audiet feu grant maistre, quy n’avoit cognoissance de luy que par la pitié qu’il avoit du tort que l’on luy tenoit. Je me tiens sy seure de vous, que je ne me mettray à vous en persuader, sinon de vous dire que en faisant pour nous, vous faites pour vous, car vous pouvez estimer vostre ce que aura jamais le mary et la femme, quy remettent en vous leurs affaires, comme en la personne de ce monde de qui plus a de seureté
Vostre bonne tante et amye, MARGUERITE. [F. Béth., n° 8550, fol. 9. Auto.] · En 1512, Ferdinand-le-Catholique s’empara de la Navarre. • Artus de Gouffier, seigneur de Boisy, frère de Bonnivet, mort er 1519 ( Biogr. univ.), grand-maître de la maison du Roi.
